Жаңалық - Компания жаңалықтары

«Су ресурстары-маркетинг» мекемесінің ұсынысымен Мемлекеттік наградаға ие болды

 Ұлттық мереке – Республика күніне орай «Су ресурстары-маркетинг» ЖШС Бас директорының кеңесшісі Мырзахметов Мелдебек Мырзахметұлы мемлекеттік награда – «Парасат» орденімен марапатталды. Мелдебек Мырзахметұлы Қазақстаннның су ресурстарын басқару жөніндегі мемлекеттік бағдарламаны іске асыру барысына мониторингті жүргізу, жұмыстарды үйлестіру, мемлекеттік бағдарламалар бойынша министрліктермен, ведомстволармен және жергілікті атқарушы органдармен өзара қарым-қатынасты жүйелі түзіп, су секторындағы әлеуметтік-экономикалық дамудың стратегиялық жоспарын әзірлеуде сүбелі үлес қосты. ОҚО бәсекелестікті қорғау және монополияға қарсы департаменті директорының орынбасары, агенттіктің ОҚО бойынша басқарма басшысы, кейін аймақтық инспекция басшысы, агенттіктің Оңтүстік Қазақстан, Қызылорда және Жамбыл облыстары бойынша өңіраралық инспекция басшысы қызметін де атқарды. Қазіргі уақытта «Су ресурстары - Маркетинг» ЖШС Бас директорының кеңесшісі болып еңбек етуде. Еңбегі бағаланып бұған дейін «Құрмет» орденімен, «Астанаға 20 жыл», «Қазақстан Конституциясына 20 жыл» мерекелік медальдарымен, «Ауыл шаруашылығы саласының үздігі», «Ауыл шаруашылығы саласының ардагері» төс белгілерімен марапатталған. Мелдебек Мырзахметұлын мемлекеттік награда алуымен құттықтаймыз. Зор денсаулық, отбасы амандығын тілейміз.