Жаңалық - Компания жаңалықтары

 Бұл жұмыс сапарының мақсаты - сумен қамту және шайынды суды тазарту кәсіпорындары арасындағы тәжірибе алмасу. "Су ресурстары-Маркетинг" ЖШС Бас директорының орынбасары Жанатбек Тұрдалиев әріптестерге Шымкент су арнасының жүйелі жұмысын толыққанды айтып берді. Суды есепке алу құрылғыларын енгізу, Еуропалық Қайта Құру және даму банкінен алынған несие және сол қаржының желілерді толығымен ретке келтіруге, өндірісті жаңғыртуға мүмкіндік беретін тұстарын, нәтижесінде су шығыны мен апатты жағдайларды азайтуға бағытталған жұмыстар барысы сөз болды. Өз кезегінде өндірісті жаңғырту суды тарту мен жеткізу құнын біршама төмендетуге мүмкіндік береді. Кәсіпорында географиялық ақпараттық жүйе енгізілген, бұл жүйе сумен қамту және кәріз желілерінің цифрлық картасын жасауға, орталық диспетчерлік қызметінің жұмысында жаңа әдістерді енгізуге негіз болды. Инвестицияның көмегімен кәріз-тазарту қондырғылар кешенін реконструкциялау, биогаз қондырғысын салу қолға алынды және экологияға залал келтірудің алдын-алу мүмкін болып отыр. Сонымен қатар, шайынды суды тазарту кешені жылу және электр энергиясымен қамтамасыз етіледі. Қарағандылық әріптестер "Су ресурстары-Маркетинг" ЖШС орталық диспетчерлік қызметінде де болды. Өндірістік процестерді бақылау цифрландырылған. Диспетчерлер жүйедегі су қысымын бақылайды, желіде орнатылған арнайы көрсеткіш құрылғылар арқылы су жиналатын резервуарлардың толтырылуы бақыланады, сондай-ақ апатты жөндеу бригадаларының шақыруға бару, жету қозғалысы бақылауға алынады. Көптеген процестерді Орталық диспетчерлік қызметі қашықтықтан басқарады. Қонақтарды тағы бір жүйе қызықтырды. Ол тұтынушылармен телеграмм мессенджеріндегі чат-бот арқылы байланысу жағы. Әріптестерге тұтынушылардың чат-ботқа тіркелуі мен оған қажетті барлық ақпаратты оңай жолмен алып отыратыны көрсетілді. Айтпақшы, қазіргі уақытта "Су ресурстары-Маркетинг" ЖШС абоненттерінің 70%-ы осы чат-ботты жақсы пайдаланады. Жұмыс сапарының алғашқы күнінде екі өңір мамандары сумен қамту және кәріз жүйелеріне жауапты қызметкерлермен де кездесті.