Жаңалық - Компания жаңалықтары

 

Қаладағы М. Мәметова атындағы жалпы орта мектебінің оқушылары мен ұстаздары «Су ресурстары-Маркетинг» мекемесіне жиі келеді. Жоғары сынып оқушыларымен түрлі кездесулер өндіріспен танысу, техникалық мамандыққа бейімделу бағытында болса, бастауыш сынып оқушылары шымкенттіктерге су тарту жолдарын, суды үнемдеу ережелерін білді. Мекеме мұражайында түрлі ақпараттарға қаныққан ұл-қыздар сұрақтарға да жауап берді. Пайдаланылған су үшін келетін түбіртек, су есептегіш құралы, оны не үшін орнатамыз, су көлемі қалай өлшенеді, суды қалай үнемдейміз және сумен байланысты орындардың атауы жөнінде балалардың пікірлері қызық әрі сан алуан. Мұражайда түрлі жабдықтар, заттарды көріп, жаңа терминдерді естіген оқушылар ақпаратта бірден қабылдап, қорытындысында сұрақтарға жауап берді. Тапқыр балалар тәтті сыйлықтар алды. Осылайша, қала мектептерінің ұстаздары мен оқушылары СРМ мекемесіне апта сайын экскурсия жасайды. Саланың мамандары өздерін ауыз сумен қамтып, шайынды суды тазарту жүйесінде қалай қызмет көрсететінін біледі. Қоғамдағы ең жауапты, маңызды мамандық иелерінің еңбегін бағалауды үйренеді.