Жаңалық - Компания жаңалықтары

           Тәжірибе алмасуға арнайы келген қарағандылық су мамандары Ақбай-Қарасу су жинақтау орнына барып, жерасты ұңғымаларынан су өндіру және оны зарарсыздандыру процесімен танысты. Қарағандыда тіршілік көзі негізінен өзеннен алынады. Сондықтан әріптестерді Шымкент тұрғындарына берілетін ауыз су қайдан, қалай тартылатыны қызықтырды. Өңірлерде стратегиялық нысандарда қолданылатын технология да екі басқа. Су жинау кешенімен танысқан соң "Су ресурстары-Маркетинг"ЖШС Бас директоры орынбасарларының қатысуымен қорытынды кеңес өтті. Тараптар сумен қамту мен кәріз жүйесінің заңнамалық және қаржы-экономикалық тұстарын талқылады. Ондағы күрделі жөндеу және қайта құру тәжірибесі бойынша да бірқатар сауалдар қаралды. Екі су арнасының өкілдері болашақта тәжірибе алмасуды жалғастырамыз деп тарқасты.