Жаңалық - Компания жаңалықтары

новость от 23.12.2022

             «Су ресурстары-Маркетинг» ЖШС – нің жұмысымен, тұтынушыларды сумен қамту, кәріз жүйесі бойынша қызмет көрсету барысымен танысуға ынталы жас қонақтар бұл жолы «Дарынды балаларға арналған №1 мамандандырылған ІТ лицей-интернатының» 9 сынып оқушылары болды. Ұл-қыздар алдымен су сапасын бақылау, қадағалаумен айналысатын мекеме зертханасының жұмысын көрді. Зертханада су қабылдағыш нысанының қызметімен және насосты стансалардан алынған су сынамасын тексеру және күнделікті істелетін тынымсыз жұмыстарға қанықты.
             Ал орталық диспетчерлік қызметінің автоманттандырылған бақылау жүйесі ұл-қыздарды бірден қызықтырды. Аудандарда су қысымының реттелуі, апатты жағдайлар мен ақауларды дер кезінде жөндеуді орталықтан бақылау барысына қатысты сұрақтары да аз болған жоқ. Экскурсия Кәсіпорын музейінде жалғасты. Оқушыларға мекеме тарихы, суды өндіру, желілер арқылы тартылған суды зарарсыздандыру, шайынды суды тазарту процестері туралы айтылды. Сонымен қатар, олар жаңа технологиямен танысты.
             Айта кетейік, «Су ресурстары-маркетинг» ЖШС-нің басшылығы жастарды техникалық мамандықтарға бейімдеу бағытында дуалды оқыту мектеп қабырғасынан басталуы керектігін барынша қолдайды. Сондықтан экскурсиялар мекемеде әр аптаның бисенбісінде жалғасын табады.