Жаңалық - Компания жаңалықтары

Желілерді жаңарту 2023 жылы қалай іске асады? 

"Су ресурстары-Маркетинг" ЖШС Бас директорының орынбасары Абзал Зейнетаев Кәсіпорынның Facebook әлеуметтік желісіндегі аккаунтында тікелей эфирде 2023 жылы су құбыры және кәріз желілерін қайта құру және жаңарту бойынша жоспарланған жұмыстар туралы айтты. Ауқымды жұмыстың бірі - Қапал батыр көшесіндегі коллекторды қайта құру ісі. "Индустриялық аймақ ұлғайып келе жатқандықтан, үлкен диаметрге ауыстыру жүргізіледі". Абзал Зейнетаев "Су ресурстары-Маркетинг" ЖШС Бас директорының орынбасары Коллекторларды қайта құру Самал-3 шағынауданында, Тельман бөлімшесінде және Жайлау тұрғын алабында да жүргізілмек. Күзгі және көктемгі жауын-шашынның көп болуынан, құбырларға су да көп жиналады, оны көтеруге кәріз құбырлары қауқарсыз. Сондықтан, диаметрі үлкен құбырларды алмастыру қажет. Есесіне, қайта құрудың нәтижесінде, төтенше апатты жағдайлар мен су басу қаупі азаяды. Бас директордың орынбасары қаладағы су құбыры желілеріндегі жұмыстар туралы да айтып берді. Тікелей эфирдің толық нұсқасын Сіз кәсіпорынның Facebook әлеуметтік желісіндегі аккаунтынан көре аласыз. Егер сізде "Су ресурстары-Маркетинг" ЖШС қызметіне қатысты сұрақтарыңыз болса, оларды әлеуметтік желілер қоюыңызға болады немесе whatsapp-қа жаза аласыз: +77057581111.