Жаңалық - Қазақстан жаңалықтары

Қазақстанда кәріз суын тазарту желілерінің 90%-і торзып тұр

Жуырда сенатор Ольга Булавкина елдегі тазарту қондырғыларының 1950 жылдары салынғанын және жаңартылмағанын айтып өзекті мәселені көтерді. Әсіресе, Көкшетау, Екібастұз, Семей, Риддер және Петропавлдағы жағдай сын көтермейді.

Яғни, жылыту жүйесіндегі тозған құбырлардан бөлек, бізде кәріз желілерінің құбырлары да жарамсыз күйде. Сонда біз отыз жылда не істедік? Енді не істейміз? Индустрия және инфрақұрылымды дамыту экс-министрі депутатқа жауап беруге тырысып, жақсы жоспар түзгенін айтқан еді. Тіпті, жаңа кәріз суын шаятын қондырғыларды орнатып, құрылыс жүргіземіз деп уәде берді. Мұндай жаңарту жұмыстарын 2028 жылға дейін ел аумағындағы 68 қалада жүргізу керек. Жалпы,  89 қаланың 27-сінде сарқынды су тазарту кешені мүлдем жоқ. Ал, 41-індегі қондырғылар жүйесінің 60% -ы тозып тұр.

"МҚҰ-ның қарыз қаржысы мемлекеттік кепілдікпен 15 жылға дейінгі мерзімге берілетін болады. 45 мыңнан астам халқы бар 26 ірі қалаларда жобаларды іске асыру үшін шамамен 403 млрд теңге қажет. Қарыздарды қайтару екі көзден жоспарланады: тариф және республикалық, жергілікті бюджеттерден субсидиялар түрінде", деген еді ведомство басшысы