Жаңалық - Аймақ жаңалықтары

новость от 18.01.2023

Күннің суықтығынан Ақтаудағы теңіз жағалауы көк мұзға айналды. Табиғаттың тосын құбылысына тұрғындар риза. Олар теңіз үстінде коньки теуіп, шанамен сырғанап жүр. Теңіз бетіне мұз өте сирек қатады. Қарт Каспийдің мұндай құбылысына экологтар да таң-тамаша. Тұзды судың қатуын аязбен байланыстырып отыр. Ал төтеншеліктер мұздың қалыңдығы 10-20 сантиметр аралығында дейді. Қазір теңіз бетінде сырғанаушылар көбейген. Сондықтан құтқарушылар кезекшілік ұйымдастырыпты. Өйткені осы уақытқа дейін мұзды тамашалаймын деп суға батқан 2-3 жағдай тіркеліпті.