Жаңалық - Компания жаңалықтары

новость от 05.02.2023

"Су ресурстары-Маркетинг" ЖШС заң бөлімінің мамандары су құбыры және кәріз желілері орналасқан жерлерде санитарлы-қорғау жолағының бұзылуы бойынша жұмысты жалғастырып жатыр.

"Санитарлы-қорғау белдеулерін бастапқы күйіне келтіру жұмыстарын "Су ресурстары-Маркетинг" ЖШС заң бөлімі тұрақты негізде бақылауда ұстайды. Қазіргі таңда Шымкентте СҚ аймағына енген 2500 - дей нысан бар, олардың біразына қатысты құжаттар қарастырылып, сотқа дейінгі және сот кезіндегі рәсімдері жүргізіліп жатыр", - кәсіпорынның заң бөлімі бастығының орынбасары Дінмұхаммед Оңғар осылай түсіндірді.

Мұндай дауларды болдырмау үшін тұрғын үй немесе кәсіпкерлік нысандарының құрылысын бастамас бұрын сол аумақта су немесе кәріз жүйесі бар-жоғын анықтап алған дұрыс. Ол туралы сенімді ақпарат алу керек болса,"Су ресурстары-Маркетинг" ЖШС-не жүгінуге болады. Мамандар барлығын анықтап, түсіндіріп беруге дайын.