Жаңалық - Аймақ жаңалықтары

Қазақстандықтарға тұрғын үй қорын сақтауға және оны күтіп ұстауда қаржы табуға мүмкіндік беретін тұрғын үй реформасы енгізілді. Міндет – көпқабатты үйлердің жағдайын жасау үшін мүлік иелері бірлестігін(ОСИ) немесе қарапайым серіктестік құру ұсынылды.

Реформаны жүзеге асыруға жауаптылардың айтуынша, алдымен ОСИ-ді немесе бірлестікті басқарудың нақты формасын таңдап алу керек. Мысалы, бірлестіктер мен серіктестіктер құрылған үйлерде тұрғындардың келісімінсіз үй астынан коммерциялық құрылымдарды ешкім аша алмайды. Мемлекеттік бағдарламалар арқылы осы ұйымдарды  құру кезінде пайызсыз қайтарымды негізде күрделі жөндеуге қажетті қаржы алуға болады. Сондай-ақ көп қабатты тұрғын үй жайларын жалға беру, жарнама жасау және т.б. тұстарды табыс табу көзіне айналдыруға мүмкіндік туады. Ал түскен табыс үйді немесе үйішілік жүйені жөндеуге жұмсалады.

Шымкент тұрғын үй қорына 2236 көпқабатты тұрғын үй енгізілген. Оның 1823 үйінде басқарудың жаңа нысандарын тіркеу қажет. Қалада қазірдің өзінде 124 үйде ОСи бірлестігі құрылған және 1699 үйде ҚС бар.