Жаңалық - Аймақ жаңалықтары

Маңғыстау облысы Басқұдық аулының тұрғындары улы қалдықтарға толы арнаның жанында тұрады. Адамдар денсаулығымызға кері әсерін тигізіп жатыр деп талай рет тиісті орындарға шағымданған. Айтуларынша, көбісінде созылмалы астма(ентікпе) расталған. Елдімекен арқылы өтетін канал жанына аммиак шығаратын ірі зауыттардың бірінің қалдықтары ағызылады. Ондағы дренаждар ештеңемен қоршалмаған. Нысанда күзет те болмайды, тек үйінді қалдықтар күн санап көбейіп жатқаны.  

Каналдың жанында тұратын ауылдықтар өздігінше зерттеу жасаған.. Ол орынның "ҚазАзот" АҚ зауытына жалға беретін жеке ұйымға тиесілі екені белгілі болды. Яғни, канал арқылы жер асты суын және төтенше жағдайларда кез-келген сұйық технологиялық ерітінділер ағызылады. Оны бақылап жатқан адам жоқ.

Санитарлық нормалар бойынша әр жағалаудан бір шақырым қашықтыққа дейін тұрғын үй салуға тыйым салынады. 20 жыл бұрын бұл ереже сақталған екен. Содан кейін жерді жаппай тарату басталды. Бүгінде улы арнаның жағалауында жеке үйлер салынып кеткен.

Селекционерлер бұл мәселемен таныс екенін айтады. Олар проблеманы жоққа шығарып та отырған жоқ. Аммиак буымен тыныс алу зиян. Бірақ бұл бассыздыққа кінәлі емеспіз, - дейді. Ал, зауыттың басшысы кәсіпорынның жоспарында өндірісті толық қайта құру жоспарланып отырғанын, соның барысында аммиак қалдықтары шығарылмайтынын айтып, көпшілікті сабыр сақтауға шақырды.