Жаңалық - Қазақстан жаңалықтары

Осыған байланысты облыстық маңызы бар Жалағаш-Жосалы автомобиль жолы уақытша жабылды, деп хабарлады Tengrinews.kz. Бұл жол екі елді мекенді - Далдабай мен Қызылтамды байланыстырады. Аудан орталықтарынан – Жосалы және Жалағаш кенттерінен оларға апаратын ішкі жолдар да бар. Ал, Батыс Еуропа-Батыс Қытай халықаралық магистралі ашық және әдеттегідей көліктер емін-еркін қатынауда..

Облыс әкімінің баспасөз қызметінің мәліметінше, су басу аймағында шаруашылықтардың, ғимараттар мен тұрғын үйлердің материалдық құндылықтарына залал келтірілмеген. Зардап шеккендер жоқ.

Айта кетейік, бұл күндері Сырдария өзені арқылы облыс аумағына секундына 778 текше метр су келіп түсуде. "Бұл аймақта өзен 25 наурызға дейін мұздан толығымен босатылады деген болжам бар. Қауіпті учаскелерге жауапты мекемелер бекітіліп, су тасқынына қарсы қажетті материалдар қоры құрылды. Учаскелерді су басуы мүмкін деген жағдайда деп, эвакуациялық пункттер құрылды. Мамандар өзеннің жағдайына байланысты күнделікті мониторинг жүргізеді, кезекшілік ұйымдастырылған", - деп нақтылады облыс әкімдігінде.