Жаңалық - Компания жаңалықтары

новость от 09.03.2023

Біздің Кәсіпорын алтын "Парыз"президенттік сыйлығының "Экологияға қосқан ерекше үлесі үшін" номинациясын бекерден-бекер иеленген жоқ! "Су ресурстары-Маркетинг" ЖШС қоршаған ортаға зиян келтіру деңгейін едәуір төмендетуде жасыл технологиялар мен жабдықтарды енгізумен қатар, стратегиялық нысандардың аумақтарын  көгалдандыруға ерекше көңіл бөледі.

Кәсіпорынға қарасты су жинау және шайынды су тазарту құрылғылары, су көтеру станциялары, аудандық су арналары мен дилерлік учаскелерде 6 мыңға жуық көшет отырғызылды. Шынар, қылқан жапырақты ағаштар, каштан және қарағай түрлері биыл да егілуде. "Су ресурстары-Маркетинг" ЖШС басшылығы өндіріс учаскелерінің аумағын саябаққа айналдыруды көздейді.

Биылғы ағаш отырғызу жұмыстары сарқынды су тазарту кешенінен басталды. Тұнба алаңдарының маңайына 2200 шынар ағаштары отырғызылды. Жас ағаштарды суару және уақтылы күтім жасауға осындағы мамандар жауапты. Көгалдандыру жұмыстары наурыз айының соңында аяқталады.