Жаңалық - Әлем жаңалықтары

новость от 14.03.2023

Жауын-шашын кезінде тазарту құрылғылары кешенінде жұмыс күрделене түседі. Осы күрделікті шешудің бір ғана жолы бар. Шымкент қаласында жауын-шашыннан жиналатын суды тазарту қондырғысын орнату қажет. «Су ресурстары-маркетинг» ЖШС-нің кәріз-тазарту құрылғылар кешенінің мамандары оған сенімді. Демалыс күндері жауған нөсер жауыннан жиналған су көлемі әдеттегіден үш есеге артқан. Қаладағы ирригация жүйесі жаңбыр суын жүйелеуге қауқарсыз, тіпті, мүлдем жоқ деуге болады. Сондықтан да, жауынның көп мөлшері кәріз желісіне құяды, ол аз дегендей, жауын-шашынмен желіге қоқыс жиналады. Мұның бәрі шайынды суды тазарту қондырғылары кешенінің жұмысын тежейді және төтенше жағдайларға әкеп соғады. Кәсіпорын мамандары бұл бағытта қосымша жұмыстарды да істеуге мәжбүр.