Жаңалық - Қазақстан жаңалықтары

Оның қатысушылары су қауіпсіздігі мәселелерін талқылап, су қорын басқаруды жақсарту бойынша ұсыныстар айтты, деп хабарлайды Kazpravda.kz. Сенат Төрағасы су тапшылығы мен осы табиғи ресурстың сарқылуы алдағы кезеңдегі жаһандық сын-қатерлердің бірі болып табылатынын атап өтті. Сонымен қатар, ұлттық экономиканың, ауыл шаруашылығының, өнеркәсіптік кешеннің дамуы елдің сумен қамтамасыз етілуіне тікелей байланысты. Сенат Төрағасы іргелес мемлекеттермен су бөлудің, сондай-ақ трансшекаралық өзендерді бірлесіп пайдаланудың өзекті мәселесін де атап өтті. Су қауіпсіздігіне байланысты мәселелерді шешу үшін ел Президенті Қасым-Жомарт Кемелұлы Тоқаев Жаңа Су кодексінің жобасын әзірлеуді тапсырды. Қазақстан Республикасының қолданыстағы Су кодексі 2003 жылы қабылданған. Содан бері оған 70-тен астам өзгертулер енгізілді. Бұл құжатта су, ең алдымен, өндіріс факторы ретінде қарастырылады, ал суды үнемді пайдалануды ынталандыру мәселелері ескерілмейді. Экология және табиғи ресурстар министрлігі мен депутаттар алдағы кезеңде су саясатына жаңа, заманауи тәсілдер ұсынылатын жаңа Су кодексін әзірлеуі міндетті, - деді Мәулен Әшімбаев. Палата Төрағасының пікірінше, азаматтардың да, аграрлардың да, кәсіпорындардың да суды тиімді тұтынуын ынталандыратын жүйелі нормаларды қарастыру қажет. Тағы бір маңызды бағыт - өнеркәсіптік кәсіпорындарда және тұрғын үй-коммуналды шаруашылық саласында суды пайдалану мен тазалаудың нақты циклін құру керек.