Жаңалық - Компания жаңалықтары

новость от 16.03.2023

"Су ресурстары-Маркетинг" ЖШС Бас директорының орынбасары Бекжан Ешімбетов Шымкент индустриалды-техникалық колледжін биыл бітіретін студенттермен кездесті. Кәсіпорын басшылығы қаланың жоғары және орта арнаулы оқу орындарымен тығыз байланыста – дуальды оқу жүйесін қолдай отырып жұмыс істейді.

Компания тұрғындарды, мекемелерді сумен қамту және шайынды суды тазарту жұмыстарына жас мамандарды тартуға басымдық береді. Студенттерді ынталандыру үшін "Су ресурстары-Маркетинг" ЖШС-де бірқатар бағдарламалар әзірленген, соның негізінде кәсіпорынға қажетті жас мамандарға қолдау ретінде стипендия беру және қосымша оқыту курсы қарастырылады.

Бас директор орынбасары Бекжан Ешімбетов студент жастарға кәсіпорындағы еңбек және жалақы жағдайы, техникалық мамандықты меңгерген ұл-қыздар үшін өндірістегі қызметте өсу перспективалары туралы айтып берді. Өзінің болашақ кәсіби қызметін "Су ресурстары-Маркетинг" ЖШС-мен байланыстыруға ниетті түлектерді экскурсияға келіп, кәсіпорынмен жіті танысуға шақырды.