Жаңалық - Компания жаңалықтары

новость от 09.04.2023

"Су ресурстары-Маркетинг" ЖШС өндіріс тізбектерін Автоматтандыру және цифрландыру бойынша жұмыстарды жүйелі түрде жалғастырып келеді. Кәсіпорын басшылығы түрлі нұсқаларды қарастырады. Нәтижесінде, өндіріс қуатын арттыруға мүмкіндік беретінін таңдайды. Өткен аптада "Су ресурстары-Маркетинг" ЖШС-не электрмен жабдықтауды автоматтандырумен айналысатын қазақ-ресей кәсіпорнының өкілдері арнайы келді. Қонақтар Шымкенттегі су тарту, жинақтау орнына барды.

  Юрий Герасимов

Компания директоры

"Біз екі жүйені ұсынамыз. Біріншісі - су қабылдауды автоматтандыру, екіншісі - тазарту қондырғыларын автоматтандыру. Бізде бәсекеге қабілетті баға ұсыныстары бар, сонымен қатар біздің бағдарламаларымыз осы саладағы ең озық тенденциялар мен ағымдарға сай  келеді. Осы сапарымыздың нәтижесінде келісім-шарт түземіз деп үміттенемін", - деді компания директоры Юрий Герасимов.

Айта өтейік, бүгінгі таңда өзге компаниялармен де, өндіріс орындарымен, соның ішінде Өзбекстандық әріптестермен келіссөздер жүргізіліп жатыр. Таңдау, сөзсіз, ұсынылатын өнімнің сапасына және құнына байланысты жасалады.