Жаңалық - Қазақстан жаңалықтары

Ол кезде мамандар қаланы 2 су қабылдағышпен сумен әрең қамтитын. Дегенмен, су үздіксіз беріліп отырды. Ағыл-тегіл пайдаланғандар көп болды. Тіпті, суды тоңазытқыштың орнына пайдаланатын. Қарбыз мен сыраны суға салып, салқындатып отыратын. Су өлшегіштері орнатылған соң қаланы бір ғана су қабылдағышпен қамтуға мүмкіндік туды. 

Президент Тоқаев нақтылап көтеріп отырған мәселе – тұрғындарды таза сумен қамту жәйі. Президенттің айтуынша, сумен жабдықтау мәселесі қазіргіден де шиеленісуі мүмкін. Елде судың 65%-ы ауыл шаруашылығына жұмсалады. Оның шамамен 60% - ы құмға сіңгенмен бірдей. Бұл – ысырапшылдық. Оған жол беруге болмайды, - деп атап өтті Мемлекет басшысы. Жаңа тарифтік саясатқа көшуіміз керек. Егер біз оны бірден қабылдамасақ, жағдай одан да күрделенетіні анық. Суару арналарын ауқымды реконструкциялау, Гидротехникалық құрылыстарды дербес басқаруға көшу, суды есепке алуды автоматтандыру, су ресурстарын пайдалануға квоталар енгізу - мұның бәрі заң әзірлеуді талап етеді.