Жаңалық - Компания жаңалықтары

новость от 04.05.2023

 Кәріз-тазарту құрылғылары кешенінде күкіртті тазарту станциясының құрылысы аяқталды. Мұнда жаңа жабдық орнатылды. Қазіргі кезде барлық тораптар мен агрегаттарды іске қосып, тексеріліп жатыр. Толыққанды тексерілген соң тазарту қондырғылары кешенінің жұмыс схемасына қосылады.

Жаңа станцияның құрылысы қаланың кәріз-тазарту құрылғылары кешенінің қуатын арттыру жобасы шеңберінде жүргізілуде. Қаладан келетін ағынды су көлемі артуда, бұл дегеніміз - биогазды орнату жүктемесі де көбейеді. Өндірілетін метанның көлемі ұлғаяды, міне, осы ретте ілеспе күкірттен тазарту процесі басталады.

Естеріңізге сала кетейік, қазіргі уақытта сарқынды су тазарту құрылғыларының қуаттылығын арттыру бойынша жұмыстар қолға алынған, нәтижесінде тәулігіне қазіргіден 50 мың текше метрге артық ағынды су өңделмек. Жалпы, барлық жұмыстар аяқталған соң бұл кешен тәулігіне 200 мың текше метр кәріз суын өңдеуге қауқарлы  болмақ.