Жаңалық - Аймақ жаңалықтары

новость от 09.05.2023

Шымкенттік «Су ресурстары-маркетинг» ЖШС-нің «СМАРТ-маман» оқу орталығы келесі оқу курстарына бақылаушы-инспекторларды шақырды. Оқу әр сенбіде өтеді. Себебі, жұмыс күндері бақылаушы-инспекторлар тұтынушылармен үздіксіз жұмыс істейтіні белгілі. Қала бойынша кәсіпорынмен жұмыс істейтін 200-ден астам бақылаушылар бар. Оқу курстарына олардың 40-ы қатысады. Жалпы, оқу орталығының бағдарламасына сәйкес, курстарға ЖШС-нің басшылығынан бастап, барлық деңгейдегі жетекшілер, инженерлер, слесарьлар, бақылаушы, тіпті, күзетшілерге дейін қатысады. Ғылыми тұрғыдан және экономикалық, коммуналды тұстардан хабары бар ғалымдардың, мамандардың дәрістерінде сумен қамту және кәріз желілері бойынша күнделікті тұтыну мәселелерінен бастап, жаңа технологияны пайдалануға дейін мағлұмат алады. Сертификаттарға ие болады.