Жаңалық - Аймақ жаңалықтары

Жамбыл облысындағы Әбілқайыр кентінің тұрғындары 30 жылдан бері жалғыз құдықтан су ішеді. Айтуынша, кішкентай бұлақтан су мен жабайы аңдар да, мал да, адамдар да ішеді. Проблеманың ұзақ уақыт шешілмеуінен ауыл тұрғындары да азайып барады. 52 отбасыдан қазір 30 қалған. Биліктің су тартып береміз дегенінен шаршадық деп отыр.

Тұрғындар шалғайдағы елді мекендердің билік назарынан тыс қалатынына ашулы. Ал, аудан әкімдігі өкілдерінің айтуынша, осы уақыт ішінде олар есеп айырысумен, бюджетке өтінім берумен айналысқанын айтып ақталумен әлек. "Смета дайындалды, бюджеттік өтінім берілді. Егер 56 млн теңге бөлінсе, мәселе шешіледі. Ауданда халқының саны 200-ден аз алты елді мекен бар, биыл барлығына су беруді жоспарлап отырмыз", - дейді Тұрар Рысқұлов атындағы аудан әкімдігінің бөлім басшысы Қаблет Әбдірахманов.

Жалпы, облыстың 387 елді мекенінің 85-інде ауыз су жоқ.