Жаңалық - Аймақ жаңалықтары

Оңтүстікте елдегі жүзімнің 76%-ы, бақша дақылдарының 64%, жемістердің 40% және көкөністің жалпы көлемінің төрттен бірі өндіріледі. Егістіктерге суармалы су беру және тариф белгілеу мәселесі өзекті болып тұр. Ауыл шаруашылығы саласындағы аудандар мен облыс әкімдерінің азаматтарды қабылдау барысында түсетін өтініштерінің 80% - дан астамы осы суармалы суға байланысты мәселелер. Жыл сайын мемлекет суару жүйесін жөндеуге және реконструкциялауға миллиардтаған теңге қарастырады. Соған қарамастан, егіншілер жыл сайын вегетациялық кезеңде су тапшылығын жыл сайын көреді. Жөндеуі аяқталмаған суарғыштардың арасында республикалық меншіктегі су объектілері де бар және облыс деңгейінде оларды ретке келтіру мүмкін емес. Бұл фермерлерге судың тұрақты жеткізілуіне кепілдік бермейді. Суарусыз жақсы өнім ала алмайсыз. Депутаттар су тапшылығын шешу және су объектілерін қалпына келтіру, су үнемдеу технологияларын енгізу үшін барлық резервтік мүмкіндіктерді пайдалану қажеттігі туралы айтты. Парламент Мәжілісі Комитетінің Аграрлық мәселелер жөніндегі көшпелі отырысы барысында айтылған барлық ұсыныстар алдағы Үкімет сағатының жобасына енгізіледі.