Жаңалық - Аймақ жаңалықтары

 Ол ауылдағы су тапшылығы халықтың қалаларға қоныс аударуына әкелетінін, ал 50 жыл бұрын салынған су құбырларының 90%-ы шіріп тұрғанын айтады. Осының салдарынан құбырдағы су шығыны 70-80% - ға жетіп отыр. Ақмола облысы Егіндікөл ауданының халқының саны соңғы 10 жылда 3 есеге қысқарған. Сенатордың пікірінше, халықтың қалаларға қоныс аударуының себептерінің бірі - ауылдағы су тапшылығы. Нұра су құбырынан тірщілік көзін алатын Қорғалжын және Атбасар аудандарының тұрғындары да суға мұқтаж. Аудан тұрғындары су құбырларының жиі бұзылуынн апталап сусыз отырады. Он екі ауыл ауыз суды орталық су желісінен алады, ал төрт ауылда суды тасып ішеді. 2014 жылы су құбырын жөндеуге 400 миллион теңге бөлінді. Бірақ содан бері ол жерде жүйелі жұмыс жүргізілмеді. Нұрадағы тораптық су құбыры ауыз сумен жұртты толық қамти алмайды. Облыстық және аудандық бюджеттен жыл сайын су құбырын ішінара жөндеуге қаражат бөлінеді, бірақ жүйенің өзі толық қайта құруды қажет ететіндіктен, мәселе шешілмей қала береді. Ақмола облысының тұрғындары үшін бұл мәселенің маңыздылығын ескере отырып, су құбырын жаңғырту мәселесін түбегейлі қарауды сұраймын, деді Талғат Жүнісов.