Жаңалық - Компания жаңалықтары

новость от 01.06.2023

Бәйдібек ауданы Сарқырама ауылындағы Оңғар Орманов атындағы орта мектебінде бүгін ерекше күн. Соңғы қоңырау соғылып, балалар жазғы демалысқа шықты. Оқу жылын қорытындылау салтанатына «СРМ» кәсіпорнының өкілдері арнайы барып қатысты.

Білім ұясында 200-ге жуық оқушы оқиды. Биылғы оқу жылында білімімен, тәртібімен үздік атанған 34 оқушыға және олардың ұстаздарына мектепке үнемі қолдау көрсетіп отыратын Анарбек Оңғарұлының стипендиясы табысталды. Олар ғылыми жобалар, пәндік олимпиада жүлдегерлері, оқу озаттары және түрлі іс-шараға белсене қатысқан ұл-қыздар, олардың мұғалімдері.

Фатима Қасымхан, 4 сынып оқушысы

Атама көп рақмет. Мен жылда алып тұрамын Анарбек ата атындағы стипендияны. Облыстық олимпиада жүлдегері болдым биыл.

Ауыл мектебіне Оңғар Орманов есімі 2010 жылы берілген. Сол жылдардан бері Анарбек Оңғарұлы тек мектеп емес, ауылдықтарға да қолдау көрсетіп келеді.

Жәмиля Қалдарбек, ата-аналар кеңесінің төрайымы, көпбалалы ана

Стипендяны менің де балаларым алады. Бізге үнемі қолұшын беріп, балаларға жігер береді. Ауылдықтар риза.  

Нұрмахан Жолшыбеков мектеп директорының оқу-ісі жөніндегі орынбасары

Анарбек аға мен Сұлтан Анарбекке ауылдықтардың айтар алғысы шексіз. Тек соңғы қоңырау емес, жыл бойы бізбен хабарласып, жағдайымызды біліп отырады. Оқушыларға жақсы мотивация беріп, қолдайды.