Жаңалық - Қазақстан жаңалықтары

Елорданы сумен қамтуға жауапты "Астана Су Арнасы" компаниясы осы жылдың наурыз айынан бастап қаланың барлық үйлеріндегі су қысымын кесте бойынша реттей бастады: мысалы, 4.30-дан 9.30-ға дейін краннан су жақсы ағады, ал 9.30-дан 12.00-ге дейін қысым төмендеп, су азаяды. Бір күнде құбырдағы қысым бірнеше рет өзгереді. Халық санының өсуіне байланысты қаланы ауыз сумен қамтамасыз ету қуаты жетіспейді. Елордада қазір екі сорғы-сүзгі станциясы жұмыс істейді. "Астана Су Арнасы" өкілі Назгүл Талипова барлық сорғылар нормадан тыс жұмыс істейтінін түсіндірді. Көп жағдайда сумен қамтитын компания қысымды реттеу үшін сорғыларды қалай қосып, бақылау керектігін түсіне бермейді. Кейбіреулер өртеніп кетеді деп қорқады, бірақ соңғы уақытта сорғы әзірлеушілер сапалы жабдықты қоя бастады. Екінші мәселе – КСК және мүлік иелерінің бірлестігіндегілер желілерді жете түсіне бермейді. Мұндай жағдайда тұрғындардан шақырту жасап, міндетті түрде біздің мамандарды күтуін сұранамыз, – дейді кәсіпорын өкілдері. Жазда тұрғындар да суды көп тұтынады. Шлангты ауыз су шүмектеріне қосып, бақшаларды суаратындар көп. Коммуналды сала қызметкерлері тұрғындардан суды ұтымды пайдалануды үйренуге шақырады және жасыл желекті мүмкіндігінше түнде суаруды сұрайды. Күндіз біз резервуарларды толтырамыз, сондықтан кешке су көптеу болады. Суды тазартуға уақыт керек. Сондықтан оны түн ортасынан таңғы алтыға дейін суару тиімді. Сонымен қатар, жаздыгүні техникалық суды қолдануын сұранамыз. Қалада оны сату бойынша төрт пункт жұмыс істейді. Құны - 1 текше метр - 36 теңге, - дейді Назгүл Талипова. Астанадағы су мәселесі жақсарып келеді. 10 маусымда елорда әкімі Жеңіс Қасымбек су құбырының жаңа желісінің іске қосылғанын хабарлады, бұл үйлердегі су қысымын реттеуге мүмкіндік берді. Жалпы, сумен қамтамасыз етудегі жүйелік қолайсыздықтар жақын толық шешіледі деп сендіреді әкім, өйткені Астанада жаңа сорғы-сүзгі станциясы іске қосылады. Сарапшылардың айтуынша, инфрақұрылым мәселелерімен жұмыс істеуде нақты ұстаным болмайынша, жаңа кварталдар салу мүмкін емес, әйтпесе бүкіл қаланың тіршілігін қамтамасыз ету жүйесінде проблема күрделене береді. Қазір ең алдымен қолданыстағы тұрғын аудандарды сумен, жылумен, электрмен, жолдармен сапалы қамтамасыз етуі керек. Жер асты суларына да қатаң бақылау қажет.