Жаңалық - Компания жаңалықтары

новость от 31.07.2023

"Су ресурстары-Маркетинг" ЖШС-де кәсіпорын мамандарының "Экострой-жоба КЗ" компаниясының өкілдерімен кездесуі өтті. Талқылауда машиналармен жеткізілген лас сулардан кәріз ағындарының қауіпсіздігін қамтамасыз ету басты назарға алынды.

Ассенизаторлар көбінесе зиянды заттардың мөлшері жоғары ағынды суларды жеткізеді. Осындай қойыртпақты ағызу камерасына төгіп тастағаннан кейін олар тазарту қондырғыларының кешеніне түседі. Зиянды заттардың асып кетуіне байланысты жағымсыз иіс пайда болады, дейді "Су ресурстары-Маркетинг" ЖШС мамандары. Сондықтан автоматты режимде улы ағындарды анықтауға және оларды ағызу станциясында төгу мүмкіндігін жабуға қабілетті жабдық қажет. "Экострой-жоба КЗ» ЖШС өкілдеріне келіп түскен тағы бір техникалық тапсырма - кәріз сарқынды суларындағы зиянды заттардың асып кету деңгейін анықтауға қабілетті портативті құрылғы жасау. Кездесуде ағынды сулардың сапасын бақылау үшін тазарту құрылыстары кешенін автоматтандыру мәселелері талқыланды. 

2022 жылдың мамыр айында "Экострой-жоба КЗ" компаниясының өкілдері кіреберіс камерасына тазарту кешенін улы заттардың төгінділерінен қорғауға тиіс жабдықтарды орнатқан болатын. Негізгі міндет - биологиялық тазарту, технологиялық процесінің қауіпсіздігін қамтамасыз ету. Спектрофотометр орнатылды, осы сезімтал құрылғының белгі беруі бойынша ысырманы автоматты түрде жабу, содан кейін ағынды суларда улы заттар пайда болған жағдайда қауіпті ағындарды бұру жүргізіледі.