Жаңалық - Қазақстан жаңалықтары

новость от 04.09.2023

Қазақстанда жаңбыр мен еріген су жинауға арналған резервуарлар салынуы мүмкін. Осы құрылыстың пилоттық жобасы таныстырылды, деп хабарлайды Kazpravda.kz тілшісі ҚР Индустрия және инфрақұрылымдық даму министрлігіне сілтеме жасай отырып. Министрліктің мәліметінше, қазақстандық тұрғын үй-коммуналды шаруашылықты жаңғырту және дамыту орталығы американдық және израильдік компаниялардың өкілдерімен келіссөздер жүргізіп, оның барысында көлемі 5 млн текше метрге дейін жаңбыр, еріген қар және тазартылған сарқынды суды жинауға арналған резервуарлар салу жобасы қарастырылды. Мамандардың пікірінше, жаңбыр мен еріген қар суын жинау және сақтау елдімекендерді сумен қамту қажеттілігін азайтуға көмектеседі, ал ағынды суды жинау, тазарту, сақтау және қайта пайдалану қоршаған ортаны ластаушы заттардың азаюына ықпал етеді. Сонымен қатар, резервуарлардағы суды елдімекендердегі егістіктерді суару және көгалдандыру үшін пайдалануға болады. Кездесу қорытындысында тараптар су ресурстарын пайдалануды оңтайландыру және Қазақстанда пилоттық жобаны іске асыру мәселелерінде екіжақты ынтымақтастықты дамытуға ниет білдірді.