Жаңалық - Компания жаңалықтары

новость от 07.12.2023

Мамандардың біліктілігін анықтау конкурсы дәстүрге айналды

«Су ресурстары-маркетинг» ЖШС-інде дәстүрлі «Кәсіпорын болашағы» конкурсы басталды. Қатысуға ниет білдірген 23 қызметкер алғашқы кезеңде – тестілеуден өтті. Тест сұрақтары жақында ғана пайдалануға берілген «500 сұрақ - 500 жауап» атты үштілде жарық көрген техникалық анықтамалық  негізінде дайындалған. Қатысушылар 1 сағат ішінде 45 сауалға жауап беруі керек болатын. Алғашқы 5-10 минут ішінде тест сұрақтарына жауап беріп, тапсырғандар да болды. Конкурстың келесі кезеңі алдағы аптада өтеді. Тестілеуден жақсы нәтиже көрсеткен мамандар әңгімелесу кезеңіне қатысады. Онда сынақ комиссиясының басшылығы мен мүшелері әр қатысушыға жеке дара сауалдарын қойып, біліктілік деңгейін анықтайды. Дәстүрлі конкурстың басты мақсаты – кәсіпорын мамандарының біліктілік деңгейін анықтау және кадрлық резерв сапасын арттыру, алдағы уақытта білікті мамандардың қызметтік жоғарылауына мүмкіндік туғызу.