Жаңалық - Компания жаңалықтары

новость от 29.12.2023

"Су ресурстары-Маркетинг" ЖШС-нің мерекелік сыйлықтары

Жаңа жыл қарсаңында кәсіпорын ұжымы дәстүрге айналған іс-шараны қолға алды. Компания қолдау көрсетіп, демейтін бірқатар мектеп, білім ошақтарындағы балаларға сыйлықтар береді. Бірінші болып сыйлықтар Мәншүк Мәметова атындағы №35-ші мектеп оқушыларына жеткізілді. "Су ресурстары-Маркетинг" ЖШС кәсіподақ ұйымы осы мектепте оқитын ерекше балаларға әр жылы арнайы келіп құттықтайды. Оқушылар аға әпкелерін асыға күтеді – алғысын айтып, концерттік бағдарламасын ұсынды.

"Су ресурстары-Маркетинг" ЖШС басшылығының тағы бір кішкентай достары - Забадам және Сәуле шағынауданының тұрғындары. Көп балалы және аз қамтылған отбасылардың балалары да осы күні сыйлық алды. Жаңа жылдық тәттілерді оларға ауыл ақсақалдары үлестірді.

Жаңа жыл қарсаңында кәсіпорын қызметкерлерінің ұл-қыздары да назардан тыс қалмады. 14 жасқа дейінгі балалары бар әр қызметкерге кәсіподақ ұйымынан сыйлық берілді. Компания ұжымының тағы бір жақсы үрдісі іске асты - көпбалалы отбасыларға материалды көмек көрсетілді. Оған "Су ресурстары-Маркетинг" ЖШС ұжымы ерікті түрде жинаған қаражаты жұмсалды.