Жаңалық - Компания жаңалықтары

новость от 11.01.2024

Шымкенттің жас волейболшылары – Қазақстан чемпионы!

Жаңа жылдың алғашқы аптасында, қаңтардың 3-і мен 11-і аралығында, Алматы қаласында 2007-2008 жылдары туған жасөспірім ұлдар арасында волейболдан Қазақстан Республикасының қысқы чемпионаты өтті. Жарысқа Республика өңірлерінен 18 команда қатысты. Оның қорытындысы бойынша:

Шымкент қаласының жас волейболшылары 1-ші орынды жеңіп алды. 2-ші орынды - Павлодар облысы, 3-ші орынды Астаналықтар иеленді.

Ал, 2024 жылғы қаңтар айының 4-і мен 11-і аралығында республикалық қысқы чемпионат ойындары Қызылорда қаласында өтті. Оған 2005-2006 жылдары туған жасөспірім ұлдардан құрылған 6 өңірдің ең мықты командалары қатысты. Волейболдан өткен ел чемпионатында Шымкенттік жастар 1-ші орын алды. 2-ші орын Қызылордалықтарға, 3-ші орын Жамбыл облысының спортшыларына бұйырды.

Осы чемпионатқа қатысып, жеңімпаз атанған жас спортшыларға Шымкент қаласының Волейбол спорты федерациясының президенті, «Су ресурстары-Маркетинг» ЖШС бас директоры, спорт жанашыры Анарбек Орман қолдау көрсетіп, командаларға спорттық киімдер мен қажетті доптарын алып берді. Жеңімпаз спортшылар өз алғысын білдірді.