Жаңалық - Компания жаңалықтары

новость от 15.01.2024

Ағынды су камерасындағы бақылау

Қаладағы жер үйлердің септиктері мен шұқырларынан, кәсіпкерлік нысандарынан шығарылатын кәріз ағыны арнайы камераға жеткізіледі. Бұл қабылдау пункті әр күні таңғы 9-дан кешкі 9-ға дейін жұмыс істейді. Алаңда бейнебақылау орнатылған және автоматты шлагбаумдармен жабдықталған. Қалдықтар мен кәрізден ауаға жағымсыз иіс таралуын барынша шектеу үшін  ағынды суды коллекторға ағызатын жерді мүмкіндігінше герметикалық етуге тырысады. Ағынды суды тазарту кешеніне зиян келтіруі ықтимал улы қалдық ағынын анықтау үшін арнайы ас-машиналарға да зертханалық мониторинг жүргізіледі. Бұл алаңға күніне 70-80-ге жуық көлік келеді.

"Ағынды су төгілетін коллектор ашылды. Бүгінде мұнда бәрі жабық күйде. Шлагбаум орнатылған. Келген көліктердің барлығының нөмірлері бейнекамераға түседі, яғни тіркеледі деген сөз. Компьютерлік базаға ассенизатор туралы барлық деректер автоматты түрде түседі: яғни, көліктің келісімшарты бар ма, жоқ па. Және ол қандай қалдық тасымалдады, оны қайдан әкелді. Осы мәліметтің барлығы түгел бізде сақталады. Су төгетін камерада қызмет көрсететін операторлар арнайы сынама алады, оған зертханада талдау жасалады", - дейді "Су ресурстары-Маркетинг" ЖШС сынақ зертханасының басшысы Гүлжан Жауылбаева.