Жаңалық - Компания жаңалықтары

новость от 11.03.2024

Кәрізді дұрыс пайдаланыңыздар!

"Су ресурстары-Маркетинг" ЖШС-нің кәріз желісі бойынша қызмет көрсету бөлімінің мамандары қай аудан, аймақта жүйенің жиі бітелетінін тексеріп, талдау жасады. Қазіргі уақытта дилерлік ұйымдардың қызметкерлері учаскелерінде түсіндіру жұмыстарын жүргізуде.

Талдау көрсеткендей, мына мекенжайлардағы көпқабатты үйлердің кәріз желісінде проблема көп туындайды: Жібек жолы көшесі, 2, 66 үйлер; 16 шағынаудан, 11,10,14 үйлерде; 18-ші шағынаудан, 1,2-ші үйлерде; 17 шағынаудандағы 16, 18-ші үйлерде; Орынбай ақын көшесі 97Б үйде; Тәшенов көшесі 12-ші үйде, Б.Момышұлы көшесіндегі 5, 3-ші үйлерде; Қабанбай батыр көшесі бойындағы 10, 12, 5А үйлерде; Республика даңғылында орналасқан 12, 18, 35-ші үйлерде; Отырар шағынауданындағы 51, 49-шы үйлерде; Темірлан тас жолындағы 1а үйде; 8-ші шағынаудандағы 8А үйде; Спортный шағынауданындағы 19-ші үйде; Мангелдин көшесі 33-ші үйде; 3-ші шағынаудандағы 12-ші үй; Абай даңғылы бойындағы 29-шы үй.

Ал жеке секторда кәріз желілерінде проблема көп туындайтын мына мекенжайлар анықталған: Шапағат шағынауданы (Жалын көшесі), Алдияров көшесі (№31;33 үйлер), Бекет батыр - Орынбай ақын көшелерінің қиылысы, Дулати-Жылқышиев көшелерінің қиылысы, Аманқұлов –Лесков көшелерінің қиылысы.

Қала тұрғындарына тағы да ескертеміз! Тұрмыстық қатты қалдықтарды, пайдаланылған гигиена заттарын және тамақ қалдықтарын кәрізге тастамауын сұраймыз! Желіге түсетін қоқыс төтенше жағдай тудырады, жағымсыз иіс шығады, антисанитарияға әкеледі. Бұл – бірінші кезекте,  сіздің денсаулығыңызға қауіп төндіреді! Туындаған мәселеге байланысты тұрғындар жөндеу жұмыстарын жүргізуге мәжбүр болады, артық шығындалады! Сондықтан, сіздерден кәріз желісін пайдалану ережелерін сақтауды сұранамыз!