Жаңалық - Компания жаңалықтары

новость от 02.04.2024

Тұтынушыларды тікелей эфирде қабылдау

2024 жылғы 2 сәуірде ҚР ҰЭМ Табиғи монополияларды реттеу комитетінің Шымкент қаласы бойынша департаменті ұйымдастырған тұтынушыларды виртуалды қабылдау өтті. Қала тұрғындары Департаменттің Facebook әлеуметтік желісіндегі аккаунтында коммуналдық салаға қатысты сұрақтарын қоюға мүмкіндік алды.

Іс-шараға коммуналдық қызметтерді көрсетушілердің, қоғамдық және саяси ұйымдардың өкілдері қатысты. Модератор ҚР ҰЭМ Табиғи монополияларды реттеу комитетінің Шымкент қаласы бойынша басшысы Кенжеболат Көшекбаев болды. 

Қоғамдық қабылдауды өткізу барысында Кенжеболат Көшекбаев "Су ресурстары-Маркетинг" ЖШС инвестициялық бағдарламасын қарастыру туралы айтты. Тікелей эфир барысында модератор тұтынушылардан электр энергиясына, коммуналдық қызметтерді жеткізушілер тарапынан жұмыстар жүргізілгеннен кейін жол төсемін қалпына келтіруге қатысты бірнеше сұрақтарға жауап берді.

Егер Сізде "Су ресурстары-Маркетинг" ЖШС қызметіне қатысты сұрақтарыңыз болса, кәсіпорынның Facebook және Instagram әлеуметтік желілеріндегі аккаунттарына хабарласуыңызды, сондай-ақ Whatsapp-қа жазуыңызды сұраймыз: +77057581111