Жаңалық - Компания жаңалықтары

новость от 08.04.2024

Қаратөбе тас жолын асфальттауға дайындық

Кәріз құбырларын ауыстыру жұмыстары жүргізіліп жатқан Қаратөбе тас жолында желіні ауыстыру кезінде бұзылған учаскені асфальттауға дайындық басталды. Жаңғыртылған құбырдың ұзындығы  1700 метрді құрайды. Атқарылған жұмыстардан кейін жол жабыны толық қалпына келтіріліп, асфальт төселеді.

Естеріңізге сала кетейік, "Су ресурстары-Маркетинг" ЖШС инвестициялық бағдарламасы аясында 2023 жылы осы коллекторды қайта құру жұмыстары басталды. Жалпы алғанда, Қапал батыр мен Қаратөбе тас жолындағы 4300 метр коллектор ауыстырылып, жұмыстарды аяқтау 2024 жылдың соңына жоспарланған.

Ескі кәріз коллекторы 1969 жылы салынған және әбден тозығы жеткен. "Су ресурстары-Маркетинг" ЖШС мамандарының деректері бойынша темірбетон коллекторының тозуы 100% - дан асты. Нәтижесінде жиі апаттар болып, соңғы жылдары 8 ауыр апат тіркелді.