Жаңалық - Компания жаңалықтары

новость от 04.06.2024

ҚР ҰЭМ Табиғи монополияларды реттеу комитетінің Шымкент қаласы бойынша департаменті ұйымдастырған тұтынушылардың кезекті виртуалды қабылдауы 2024 жылы 4 маусымда өтті. Коммуналдық қызметтерді тұтынушылар есептеулер мен төлемдер мәселелеріне, қызметтерді ұсынуға байланысты мәселелерге, Департаменттің Facebook әлеуметтік желісіндегі аккаунтындағы тарифтерге қатысты өз сұрақтарын қоя алды.

Іс-шараға коммуналдық қызмет көрсетушілердің, қоғамдық және саяси ұйымдардың өкілдері және Шымкент қаласы бойынша комитетінің мамандары қатысты. Қоғамдық қабылдауды өткізу барысында әлеуметтік желілерде коммуналдық қызметтерді көрсетуші операторлардың жұмыс нәтижелері айтылды. Табиғи монополияларды реттеу комитетінің өкілдері осы бағыттағы түсіндіру алдын алу қызметін күшейтуге шақырды. Тікелей эфир барысында тұтынушылардан келіп түскен бірнеше сұрақтар алынып, оларға түсініктемелер берілді.

Сумен жабдықтау және су бұру қызметтерін тұтынушылары "Су ресурстары-Маркетинг" ЖШС қызметіне қатысты мәселелер туындаған жағдайда Facebook және Instagram әлеуметтік желілеріндегі кәсіпорынның аккаунттарына хабарласуды, сондай-ақ Whatsapp-қа жазуды сұраймыз: +77057581111