Жаңалық - Компания жаңалықтары

"Су ресурстары-Маркетинг" ЖШС орталық диспетчерлік қызметіне 1 мамыр көшесінің жеке сектор тұрғынынан өтінім келіп түсті. Абонент кәріз желісіндегі мәселе туралы хабарлады. Ұңғымаға қоқыс түскендіктен  ағынды сулар үйге қайта аққан. Орамішілік жолдарды асфальттау кезінде қоқыс желіге кірді. Ал құдықтың өзі жол төсемінің астында қалды.  Қала қарқынды  түрде абаттандырылуда. Бұл шымкенттіктерді қуантады. Осы мақсаттарға бюджеттен қомақты қаражат бөлінуде. Алайда, осы жұмыстарды орындайтын мердігердің өкілдері су құбырлары мен кәріз желілеріндегі құдықтардың бетін асфальттап тастауда. Мұндай жағдай алғаш рет емес.  Бұл төтенше жағдайда қайғылы салдарға әкелуі мүмкін. Құдықтың беті ашылды. Бірақ асфальттың астында тағы бір люк қалды.