Жаңалық - Компания жаңалықтары

«Су ресурстары-Маркетинг» ЖШС әкімшілігі үшін кәсіпорын қызметкерлерінің бірінші сыныпқа баратын балаларын қажетімен қамту жақсы дәстүрге айналған. 2024 жылы ата-анасы кәсіпорында жұмыс істейтін 1-сыныпқа баратын 78 оқушы бар екен. «Су ресурстары-Маркетинг» ЖШС кәсіподақ ұйымы баласын алғаш мектепке жіберген ата-аналарға жыл сайын қаржылай көмек көрсетеді. Кәсіпорынның бас директоры Анарбек Орман бүлдіршіндерге құттықтау сөз сөйледі.

Анарбек Орман, «Су ресурстары-Маркетинг» ЖШС Бас директоры:

«Сен бірінші сыныпқа барасың! Ата-анаңның, бүкіл халқымыздың арманы – жақсы оқып, білімді, халқына адал қызмет ететін Қазақстанның нағыз азаматы болуларың! Болашақта біреулеріңіз инженер, біреулеріңіз дәрігер немесе ғарышкер боласыздар. Бұл баршамыз үшін үлкен қуаныш болмақ!», - деді балалар мен олардың ата-аналарына.

Ұлбосын Дүйсебекова, «Су ресурстары-Маркетинг» ЖШС жобалау бөлімінің маманы:

-        Көңіл-күй керемет! Еңбек ұжымының осындай пайдалы шара ұйымдастырғанына өте қуаныштымыз. Шараны ұйымдастырушыларға, «Су ресурстары-Маркетинг» ЖШС әкімшілігіне және кәсіподақ ұйымына алғысымды білдіремін, Анарбек Оңғарұлына мың алғыс!

Бірінші сынып оқушыларымен қатар, жаңа оқу жылы алдында көп балалы отбасылардың ата-аналарына да материалдық көмек көрсетілді. Бұл қаражатты тікелей «Су ресурстары-Маркетинг» ЖШС қызметкерлері жинады және бұл да көп балалы әріптестерді қолдаудың жақсы дәстүріне айналды.

Мәншүк Мәметова атындағы N35 орта мектептің тәрбиеленушілері де шет қалмады. Кәсіпорын әкімшілігі мен кәсіподақ ұйымы балаларға маңызды даталар мен мерекелерді ұмытпайды. 1 қыркүйек қарсаңында бұл мектептің 50 оқушысына қажетті оқу құралдары салынған рюкзактар табысталды. Балаларға пайдалы сыйлықтарды «Су ресурстары-Маркетинг» ЖШС бас директорының орынбасары Сұлтан Анарбек табыс етті.

Жайна Қарабаева, №35 мектеп директоры:

-        Мектепте көмекке мұқтаж балалар көп. Ал мен сізге ата-аналарымыз бен балаларымыздың атынан шексіз алғысымды білдіремін! Сіз өте үлкен қайырымдылық көмек көрсетесіз! Балалардың қалай қуанып, күлгенін өзіңіз көрдіңіз! Таңдау үшін ерекше рахмет, әр бала өзіне ұнайтын түсіне қарай рюкзак таңдай алатын болды!