Жаңалық - Компания жаңалықтары

новость от 02.05.2025

Ағынды суларды тазарту - бұл көп сатылы және жоғары технологиялық процесс. Тазарту құрылыстары кешенінің үздіксіз жұмыс істеуі үшін тек инженерлер мен технологтар ғана емес, сонымен қатар жұмысшы мамандықтарының өкілдері – сорғы қондырғыларының машинистері, электриктер, слесарлар қажет. Олардың міндеті - қымбат жабдыққа қызмет көрсету және тазарту процесін бақылау.

Едігер Танкеев - сорғы қондырғыларының машинисі. Ол ең маңызды учаскелердің бірі – ағынды суларды биологиялық тазартуда жұмыс істейді. Ағындар бірінші кезең – механикалық тазартудан өткенде және олардан қоқыс пен құм алынып,тұндырылғаннан кейін ағынды сулар аэротенктерге  түседі. Бұл жерде аэробты бактериялар іске кіріседі. Олар зиянды заттарды жояды, бірақ бұл процесс үшін оларға көп мөлшерде оттегі қажет. Биологиялық тазартудың барлық кезеңдерін мұқият бақылау қажет. Бұл өте маңызды міндет және оны орындауға Едігердің шамасы келеді!

«Менің жұмысым Шымкент тұрғындарына үлкен пайда әкелетінін мақтан тұтамын. Біз миллионды қаланың өміріне және оның экологиясына үлкен үлес қосамыз.  Ағынды су тазартылғаннан кейін техникалық дақылдарды суаруға кетеді. Менің ойымша, бұл үлкен жетістік!» - деп бөлісті Едігер Танкеев.