Жаңалық - Компания жаңалықтары

новость от 11.06.2025

Кәсіпорын басшылығы нақты уақыт режимінде ағынды суларды ағызу желілеріне түсетін, өнеркәсіптік сарқынды суларға талдау жүргізуге, зиянды заттардың рұқсат етілген концентрациясынан асып кетуін анықтайтын және бұзушылықтар анықталған жағдайда бұл туралы диспетчерлік қызметке және зертханаға сигнал беруге қабілетті жүйені құру міндетін қойды. Болашақта бұл сигнал мемлекеттік қадағалау органдарына қайталануы тиіс.

 Бұл мәселені шешуге шетелдік компаниялардың мамандары – автоматтандырылған сынамаларды және тиісті бағдарламалық жасақтаманы жеткізушілер қызығушылық танытып отыр. Алдыңғы күні "Су ресурстары-Маркетинг" ЖШС-не Қытай Халық Республикасының мамандары келді. Олар қолданыстағы жабдықтар мен кәріз желілеріндегі жағдайды зерттеді. Жақын арада олар мәселені шешудің жолын ұсынады.

Улы өндірістік ағындар инженерлік инфрақұрылымға айтарлықтай зиян келтіреді, ағынды суларды биологиялық тазартуға теріс әсер етеді – микроорганизмдер жаппай өледі, тазарту қондырғыларының кешеніне үлкен материалдық залал келтіріледі. Сонымен қатар, зиянды заттардың жоғары концентрациясы бар өнеркәсіптік сарқынды сулар Шымкент қаласының санитарлық және экологиялық қауіпсіздігіне теріс әсер етеді. Автоматты мониторингті енгізу мұндай фактілердің жолын кесуге және су бұру жүйесіне зиянды заттардың рұқсат етілген концентрациясынан асып кетпеуіне, сарқынды сулардың түсу қаупіне уақтылы ден қоюға мүмкіндік береді.