Жаңалық - Компания жаңалықтары

новость от 17.07.2025

Ағынды суларды тазарту - бұл бірнеше кезеңнен тұратын күрделі технологиялық процесс. Біріншісінде -механикалық тазартуда, ағынды сулардан КТҚ-на түскен әр түрлі қоқыстар мен құмдар  шығарылады. Екінші кезең – биологиялық, зиянды заттар арнайы бассейн– аэротенкте  аэробты бактериялармен жойылады, онда ауа үрлейтін жабдықтың көмегімен көп мөлшерде оттегі беріледі.

«Біз аэротенкаларды оттегі датчиктерімен жабдықтадық, бұл технологқа аэротенкте болып жатқан химиялық және биологиялық процестер туралы толық ақпарат алуға мүмкіндік береді. Сондай - ақ, бірінші кезеңде ағынды суларды тазарту дәрежесін бағалауға мүмкіндік беретін аэротенктің қабылдау камерасына аспаптар орнатылды» - деп түсіндірді «Қазстрой Проект» ЖШС-нің бас директоры Артур Мехнецов.

Контроллерлерден алынған мәліметтер әр бес минут сайын келіп тұрады, соның арқасында технологтар ағынды суларды биологиялық тазарту сапасын жақсарту үшін жедел және сауатты шешімдер қабылдай алады. Сонымен қатар, ағымдағы процестерді бақылау аэротенктерге түсетін оттегінің мөлшерін реттеуге мүмкіндік береді, яғни электр энергиясын үнемдейді, өйткені ауа үрлейтін жабдық электр энергиясының үлкен шығындарын қажет етеді. Контроллерлер Skada жүйесімен біріктірілген, ол жақын арада дренаждық желілер мен тазарту қондырғыларының кешенін қамтиды.

Айта кетсек, 2022 жылы «КазСтрой Проект» ЖШС мамандары автоматты сынама іріктегішін орнатты, ол нақты уақыт режимінде тазарту құрылыстары кешенінің кіріс каналында ағынды суларға улы заттардың жаппай  төгінділерін анықтайды, бұл тиісті жедел шаралар қабылдауға көмектеседі.