Жаңалық - Әлем жаңалықтары

новость от 06.10.2019

2011 жылы БҰҰ Қауіпсіздік Кеңесі климаттың өзгеруінің қауіпсіздікке елеулі әсер ететінін мойындап, сулы орта бұл тұрғыда өте осал екенін атап өтті.
2011 жылы Қауіпсіздік Кеңесінің тарихи отырысында сөйлеген сөзінде БҰҰ Бас хатшысы Пан Ги Мун: «Әлемдегі су мен азық-түлік тапшылығы жүздеген миллион адамдарға қауіп төндіреді. Бұл жергілікті, ұлттық және жаһандық деңгейдегі тұрақтылықтың негізін бұзады. Қауіпсіз ресурстарға, ең алдымен суға қол жеткізу үшін қауымдастықтар мен елдер арасындағы бәсекелестік артып келеді, бұл бұрыннан келе жатқан қауіпсіздік проблемаларын күшейтеді және жаңаларын туындатады».
БҰҰ-ң 2013 жылғы «Су қауіпсіздігі және су ресурстары саласындағы Жаһандық күн тәртібі» атты аналитикалық жазбасында судың қауіпсіздікке қатер төндіретіні, ал судың тапшылығы шиеленіс пен аймақтық қақтығыстарға әкелетіні туралы мәлімделген. Сонымен қатар, сумен қамтамасыз ету ұзақ мерзімді перспективада өңірлерде бейбітшілік пен қауіпсіздікті сақтауға ықпал ететіні туралы айтылған.