Жаңалық - Компания жаңалықтары

новость от 21.10.2019

Бүгінде су арнасына қажетті мамандықтардың бірі – дәнекерлеушілер. Өйткені, біздің қаламызда салынып жатқан жаңа құбырлар қаншалықты жылдам бекітілетіні, жарылған ескі құбырлар қаншалықты сапалы іске қосылатыны осы мамандық иелеріне байланысты. 18 қазанда су арнасының мұражайында болашақ дәнекерлеушілер – Шымкент қаласындағы №3 индустриалды-техникалық колледжінің бірінші курс студенттері қонақта болды. Олармен бас директордың орынбасары Қазыбек Сариев және «Смарт-маман» оқу орталығының оқытушысы Керімбек Ағабаев кездесті. Қ.Ағабаев жақсы дәнекерлеушінің қолы мықты және көзі өткір болуы керек екенін атап өтті. Өйткені, ол электродты металдың бетіне өте жақын, бірақ оған тигізбей ұстауы керек, әйтпесе доға қалағанындай болмайды. Сонымен қатар дәнекерлеуші электр тогының не екенін жақсы білуі тиіс және дәнекерлеу берік және сапалы болуы үшін оны дұрыс реттей алуы керек.
Қ.Сариев балалардың назарын болашақ мамандар бірінші кезекте қауіпсіздік ережелерін жақсы білуі керек екендігіне аударды. Су құбырларын дәнекерлеу сияқты бірқатар жұмыстар үшін дәнекерлеуші газ оттығын пайдаланады, онда оттегі мен ацетилен қоспасының ыстық оты металлды ерітеді. Сондықтан дәнекерлеуші қауіпсіздікті өте жақсы білуі керек, өйткені газ баллондары жарылғыш және қауіпті. Директордың орынбасары студенттерді су арнасының оқу-жаттығу полигонына шақырды, мұнда жыл сайын кәсіпорынның жұмысшы мамандарына, соның ішінде дәнекерлеушілерге арнайы жаттығулар өткізіледі.
Балалар мұражай экспонаттарымен танысты, ұйым туралы бейнефильм тамашалады, мұражай меңгерушісінің дәнекерлеушілер тарихы туралы қызықты сұрақтарына жауап берді. Студенттерді ертіп келген колледж оқытушылары басқа курс студенттерін экскурсияға тартуға ниет білдірді.