Жаңалық - Компания жаңалықтары

новость от 20.11.2019

Израиль – су арнасының серіктесі
Ресейлік «Техносервис» компаниясының қызметкерлері Шымкент су арнасына су қысымын реттейтін жаңа қондырғыларды ұсынды. Өз кезегінде ресейліктер сумен жабдықтау жүйелеріне жоғары сапалы жабдық шығаратын «BERMAD» атты израильдік компанияның ресми өкілдері болып табылады. Бұл компанияның өнімдері әлемдік нарықта ең жақсы болып саналады.
Қазіргі уақытта «Су ресурстары-Маркетинг» ЖШС-і «BERMAD» шығарған 9 қысым реттегішін пайдалануда. Олар өздерін тек жақсы өндірістік жағынан көрсетіп, су арнасынан ешқандай шағым тудырмады. Сонымен бірге, израильдік компания орталық диспетчерлік бөлімінен қашықтан басқарылатын реттегіштердің жаңа буынын шығарды. Жаңа реттегіштердің барлық артықшылықтары туралы «BERMAD» компаниясының аймақтық директоры Евгений Кац әңгімелеп берді.
Қашықтан басқару, ең алдымен, Шымкент қаласының тұрғындарына сумен жабдықтау бойынша көрсетілетін қызметтердің сапасын жақсартуға және желіде туындаған мәселелерге жедел ден қоюға мүмкіндік береді. Бұл инновация еңбек шығындарын үнемдеуге және кәсіпорынның энергия тиімділігін арттыруға көмектеседі. Қазір тараптар арасындағы келіссөздердің соңғы кезеңі жүріп жатыр.