Жаңалық - Компания жаңалықтары

новость от 28.11.2019

Намангандық мамандар Шымкент су арнасы тәжірибесімен танысуда
Өзбекстан өкілдері тағы да Шымкентте жұмыс сапарымен жүр. Наманган су шаруашылығы мамандары шымкенттік әріптестерінің өндірістік тәжірибесін зерделеген болатын, олар көлденең-көлбеу бұрғылау қондырғысы және телеметрия жүйесінің жұмыстарымен танысқан.
Осы сапарында өзбекстандықтар халықпен жұмыс жүргізу қызметін егжей-тегжейлі зерттеуін жоспарлап отыр – бұл көрсетілген қызметтер үшін ақы қалай алынады және дилерлік ұйымдармен өзара әрекеттесу мәселелері. Сонымен қатар, олар басқарудың автоматты жүйелері бөлімінің бағдарламалық қамтамасыз ету және компьютерлік базасымен танысады.
Сапар бағдарламасында – қалпына келтіру жұмыстары жүргізілген, есептегіш құралдары подъездтерге немесе подвалдарға шығарылған көпқабатты үйлерді аралау. Сондай-ақ, қонақтар Ақбай-Қарасу су қабылдағышына барып, Шымкент су арнасындағы өндірістік процестерді цифрландыру тәжірибесімен танысады.