Жаңалық - Компания жаңалықтары

новость от 18.12.2019

Шымкентте Рамада қонақ үйі ашылды
Тәуелсіздік күні қарсаңында Шымкентте әлемге әйгілі «Рамада» брендінің қонақ үй кешені ашылды. Төрт жұлдызды премиум-мейманхананың ашылу салтанатына қала әкімі Ерлан Айтаханов қатысты. Қала басшысына кешеннің нөмірлері, мейрамханалары және барлары көрсетілді. «Қонақ үй бизнесі экономиканың дамуына айтарлықтай үлес қосады. Бұл туризмнен бөлінбейді. Бүгінгі таңда бизнеске үлкен қолдау көрсетілуде», - деді Ерлан Айтаханов. Қала басшысы 2020 жылы Шымкентке көптеген туристер келетіндігін, сондықтан инфрақұрылымды дамыту және қонақтарға сапалы қызмет көрсету қажет екенін айтты. Айта кетейік, бұл Ramada брендінің Алматыдан кейінгі екінші қонақ үйі. Инвесторлар оны жергілікті биліктің қолдауымен екі жылда салған. Қонақ үйде 89 нөмір бар, олардың бесеуі VIP. Мұнда спа-салон, фитнес-клуб, бильярд бөлмесі, екі мейрамхана, караоке және түнгі клуб бар. Әлемде осы брендтің 800 қонақүйі бар.