Жаңалық - Қазақстан жаңалықтары

новость от 20.12.2019

Оқушыларға арналған әлеуметтік пакет
6 жастан 18 жасқа дейінгі балаларға арналған әлеуметтік пакет 4 бөлімнен тұрады. Оған: оқу орнында бір реттік тамақтану, мектеп формасымен қамтамасыз ету, оқу құралдарымен қамтамасыз ету, қоғамдық көлікте жол жүру ақысының 50%-ын өтеу кіреді.
Мектеп формасы мен оқу құралдары балаларға жылына бір рет беріледі. Оларды алуға сертификат тамыз айында, оқу жылы басталмай-ақ беріледі деп жоспарлануда.
Ер балаларға арналған мектеп формасына мыналар кіреді: куртка, жилет, шалбар, 2 көйлек, қыста – тоқылған көкірекше. Қыздар үшін: куртка, көкірекше, юбка, классикалық блузка. Қыста тоқылған көкірекше мен сарафан бар.
Оқу орнында күнделікті мектептегі тамақтану белгіленген стандарттарға сәйкес жүзеге асырылады.
Қоғамдық көлікте жүруге келетін болсақ, «Қазақстан Республикасындағы көлік туралы» Заңның 13-бабына сәйкес 7-ден 15 жасқа дейінгі балаларға қоғамдық көлікте билет бағасының 50%-ы жеңілдік түрінде жүруге кепілдік беріледі.