Жаңалық - Компания жаңалықтары

новость от 22.12.2019

Су арнасына квест-саяхат
19 желтоқсанда су арнасының мұражайында ерекше экскурсия өтті. Оған Шымкент қаласындағы №1 «Дарын» мектебінің 6-сынып оқушылары қатысты. Іс-шара квест ойыны ретінде ұйымдастырылды. Бұл ойынның ерекшелігі неде? Әдетте экскурсияға қатысушылар экспонаттарды қарап, гидтің әңгімелерін тыңдайды. Бұл жолы олар ойын жүргізушісінің түрлі тапсырмаларын орындады: олар мұражайда ең көне құжатты іздеді, ескі және жаңа үлгідегі есептегіштердің айырмашылықтарын ажыратты, су арнасындағы көлік түрлерінің неге жұмсалатынын анықтауға тырысты. Олар мұражайдың жаңа экспонаты – Ақбай-Қарасу су қабылдағышы макетімен бірінші болып танысты.