Жаңалық - Қазақстан жаңалықтары

новость от 28.01.2020

Экология министрлігі елордада қар тазарту бойынша акцияны қолдады
Сенбі күні министр Мағзұм Мирзағалиев бастаған ҚР Экология, геология және табиғи ресурстар министрлігінің тобы Нұр-Сұлтан қаласындағы қардан тазарту науқанына қатысты. Жалпы министрліктің 200-ден астам қызметкері #BizBirgemiz акциясына қатысты.
«Бүгін Экология министрлігінің қызметкерлері елордада қар тазарту науқанын қолдады. Оң жағалаудағы алаңды тазаладық. Биылғы жылы қалың қар Нұр-Сұлтанды басып қалды, коммуналдық қызметтерге көмек қажет. Еріктілер жылындағы жақсы дәстүр – көмектесу. Қатысқаны үшін баршаңызға алғыс айтамын!», - деп жазды М.Мырзағалиев Twitter-дегі парақшасында.
Бір күн бұрын Қазақстан Президенті Қасым-Жомарт Тоқаев атақты қазақстандық әртіс Тұрсынбек Қабатовтың елорданың аулаларын қардан тазарту туралы ұсынысын құптады. «Еріктілер жылындағы маңызды бастама», - деп жазды Тоқаев Twitter-де.Өздеріңіз білесіздер, соңғы бірнеше күнде Қазақстанның астанасында қалың қар жауды.