Жаңалық - Микс

новость от 28.01.2020

Жиі қойылған есімдер
Ұлттық экономика министрлігінің Статистика комитеті 2019 жылы Қазақстандағы ең жиі қойылған есімдердің тізімін жасады.
Ең жиі қойылған әйел есімі – Раяна, өткен жылы 5151 қызға осы есім берілді. Ал Әлихан ерлер есімдері арасында көшбасшы атанды: 2019 жылы туылған 3816 ер балаға осы есім берілді.
Әйелдер есімдері арасында танымалдық бойынша екінші орында Медина (4924), үшінші орында – Айзере (4110).Айсұлтан мен Нұрислам ер кісі есімдеріне сұраныс рейтингінің екінші және үшінші қатарында. Әйелдердің алғашқы ондығына Айлин, Айша, Аяла, Асылым, Айару, Амина және Кәусар кірді. Ерлер есімдерінің ішінде ең танымалдары: Амир, Алинур, Рамазан, Али, Ислам, Алдияр және Санжар.
Тақырыпқа орай, 18 232 қазақстандыққа ақын, ағартушы және философ, жаңа қазақ әдебиетінің негізін қалаушы Абайдың есімі берілген.