Жаңалық - Пайдалы кеңестер

новость от 18.02.2020

МӘМС туралы соңғы сұрақтар
Егер мен үшін жұмыс берушім міндетті медициналық сақтандыру жүйесі бойынша жарналарды енгізбесе, онда мен өзім қалай төлей аламын?
- Бұл жағдайда сіз МӘМС-тің тәуелсіз төлеушісіз (мысалы, жеке кәсіпкерлер, өзін-өзі жұмыспен қамтығандар, ресми тіркелген жұмыссыздар). Сіз екінші деңгейлі банктердің кассалары, Қазпошта, Халық банк терминалдары, «Касса 24» өзіне-өзі қызмет көрсету терминалдары және Kasp.kz мобильдік қосымшасы арқылы МӘМС-ті төлеу арқылы өзіңізді сақтандыра аласыз.
Жиналған ақшасы бар науқас қайтыс болған жағдайда не болады, жиған қаржысы туыстарына өтеді ме?
- Жоқ, жарналарды аудару қарастырылмаған, өйткені әлеуметтік медициналық сақтандыру жинақтаушы жүйе емес. Медициналық көмек жарналардың мөлшеріне қарамастан көрсетіледі. Яғни, халықтың барлық санаттарының медициналық қызметтерге қол жетімділігі бірдей. Бұл жүйенің тең қол жетімділік және ынтымақтастық принципі. Сондықтан мұндай үлгі әр түрлі кірісі бар адамдарға тең, әділ қызмет ететіндей етіп таңдалды.